الانتقال الى مكتبة الفيديو
 
ردتك وطن مو أرض مهجورة..!
الثلاثاء 05-08-2014
 
زهير الدجيلي

ردتك وطن , أحلى وطن  , مو أرض مهجورة

يسكنها قطاعّ الطرق وأكلاب مسعورة ّ!

ردتك وطن . بيه الفرح عالي أبسماه

وشمسه تضوي ابنوره ..

مو مقبرة . .  مو مجزرة  .. مو مسخرة . .

مو مدن تغزوها  الذئاب وبشر مذعورة !

ردتك وطن بيه الحياة الحلوة .. بيه  الناس تفرح

وطن ..  موبس خارطة وصورة !

والصورة صارت ست صور, متمّزّقة

وأكًبال عيني أمراية مكسورة ّ..!

ردتك وطن ,  أبو الحضارة من صدق مومن كذب

موجاهلية أمبينة  بالأنسان , بالحكّام ,  منظورة

ردتك وطن تننشاف جنة أبكل وقت

موكورة مشتعلة ابجهنم ّ..  أوين مانلتفت  كورة  !

مو بلد  بيدين الحرامي   ,

الناس تسكن بالأخيام وهو  يبني أقصوره !

ردتك وطن تضحك لك الدنيا زهيّة

وطن . مو خيمة عزا  ,

والناس تبكي بيها مقهورة ..!

ردتك وطن مو مزربَة

بيها زرابين الأجانب خايسة ومطمورة ..!

ردتك وطن كل يوم ينباسّ أبجبينه

الناس عشاق ابهواه

وبالمحّبة والورد يبنون سوره

وطن .. مودولة خرائب

بيها مرمية الجثث عريانة مومستورة

مذبوحة باسم   الدين  تاكلها الكلاب

وأرض كله اقبور محفورة  ..

وطن .. مو دولة أكاذيب وفساد وفهلوة

كلمن أله , وكلمن وناطوره ..!

ردتك وطن محروس بأهله وجيشه

وأجنوده وحدوده وعالي سوره

موجيش شارد,   بلا قايد . . طرطرة

عايف  تفكته ومدفعه وشاجوره !

ردتك  وطن أتباهى بيه , وأفرح  أبعرسه   ,

وبساتينه,  وأنهاره , وفرحة أطيوره

ياحيف ياوسفة عليك وعلى هذا الشعب

الضيّع حقوقه  ومحّد أيشوره ..!

ياحيف وياوسفه عليك وعلى هذا الشعب ,

أسمه بالحصاد .  ومنجّله مكسور

ومسحاته مكسورة ..ّ!

ياوطن الأحلام يالمذبوح  بسيوف الطوائف

وأنا احلامي غدت وياك مغدورة ..!

أ شبقى  عندك ؟ غير بس اللطم والدًك عالصدر ,

والبجي طول ألعمر,   والراس مفطورة ..ّ!

أشبقى عندك  ؟ غير الاف الأرامل واليتامى

والخيام أبكل مكان   ومدن مهجورة ؟

شبقى عندك ؟

***           ***

زهير الدجيلي

أغسطس ـ آب 2014

 
   
 



اقـــرأ ايضـــاً
المندلاوي يدعو الشركات الصينية لاستثمارات طويل الأجل وتعاون مستدام في العراق
أزمة تعليمية حادة تهدد أطفال العراق بـ"مستقبل قاتم"
جاء بطائرة ليتسلم البراءة ويسافر.. تفاصيل الغاء حكم الإعدام بحق ضابط متهم بقتل الهاشمي
منتخب العراق يواصل مشواره في تصفيات المونديال بنجاح
البطريركية الكلدانية في العراق تلغي الاحتفال بعيد القيامة احتجاجا على "إبعاد ساكو"
طلب رسمي لحجب "تيك توك" في العراق.. وأرقام جديدة للمواقع الإباحية
مجلس الأمن يوافق على مشروع قرار يدعو إلى وقف فوري لإطلاق النار في غزة
الاتحاد الديمقراطي العراقي يشارك في احتفالات نوروز
"المحيبس" يضيع في قبضة النساء.. السيدات يقتحمن اللعبة الرمضانية الأكثر شعبية في العراق
اسرائيل: 700 أسير مقابل 40 رهينة في قبصة حماس
حداد وطني في روسيا بعد الهجوم على قاعة للحفلات الموسقية في موسكو
يوم المياه العالمي يمر بهدوء.. نظرة بالأرقام على الوضع المائي للعراق خلال 2024
 

نقوم بارسال نشرة بريدية اخبارية اسبوعية الى بريدكم الالكتروني ، يسرنا اشتراككم بالنشرة البريدية المنوعة. سوف تطلعون على احدث المستجدات في الموقع ولن يفوتكم أي شيئ





للمزيد من اﻵراء الحرة